नयाँ वर्ष २०८१ को शुभकामना आदानप्रदान तथा सम्मान कार्यक्रम
क्यान महासंघ कास्की शाखाको आयोजनामा मिति २०८१ बैशाख ५ गते यस संस्थामा आबद्ध सदस्यहरुको सहभागितामा नव वर्ष २०८१ को अबसरमा आयोजित शुभकामना आदानप्रदान कार्यक्रम संस्थाका अध्यक्ष श्री दुधमान गुरुङको अध्यक्षतमा सम्पन्न भएको थियो । उक्त कार्यक्रममा क्यानका केन्द्रीय सदस्य, पूर्व अध्यक्षहरु साथमा क्यानमा आवद्ध सदस्यहरुले एक आपसमा शुभकामना आदान प्रदान गरिएको थियो । साथै विभिन्न संस्थामा उच्च तहमा निर्वाचित रहनु भएका संस्थाका सदस्य श्री विश्व कुमार प्रधान र क्यान महासंघ केन्द्रीय सदस्य तथा क्यान महासंघ कास्कीका पूर्व अध्यक्ष श्री चिन्तामणी बास्तोला मुद्रण संघको केन्द्रीय सदस्य तथा कास्की जिल्लाको अध्यक्षमा निर्वाचित हुनुभएकोमा उहाँहरुको कार्यकालको शुभकामना सहित सम्मान गरिएको थियो । कार्यक्रममा स्वागत मन्तव्य कार्यक्रम संयोजक तथा कार्यसमिति सदस्य श्री हरि शर्माले राख्नु भएको थियो भने कार्यक्रम संचालन सहसचिव श्री सुरेश सापकोटाले गर्नुभएको थियो ।