निःशुल्क आँखा शिविर सम्पन्न
क्यान महासंघ कास्की शाखा र आइसिटी सहकारी संस्थाको संयुक्त आयोजना साथमा दृष्टि आँखा अस्पतालको प्राविधिक सहयोगमा मिति २०८० साउन २७ गते पोखरा ९, नयाँबजार स्थित दृष्टि आँखा अस्पतालको प्राङ्गणमा क्यान महासंघ कास्की शाखाका संस्थापक अध्यक्ष जगन बहादुर गुरुङको प्रमुख आतिथ्यता र संस्थाका अध्यक्ष दुधमान गुरुङ साथमा आइसिटी सहकारीको तर्फबाट सवि सेरचनको अध्यक्षतमा निःशुल्क आँखा शिविर कार्यक्रम सम्पन्न भएको थियो ।
पोखरा क्षेत्रमा पछिल्लो समय आँखा पाक्ने रोग बढेको थियो । यसै सन्दर्भमा क्यान महासंघ कास्की र सहकारीले सामाजिक उत्तरदायित्व बहन गर्दैै कार्यक्रम आयोजना गरेको थियो । क्यान र आइसिटी सहकारीका सदस्यलाई लक्षित गरी आँखा परीक्षण गरिएको क्यान महासंघ कास्कीका अध्यक्ष तथा कार्यक्रमका सभापति आशिष गुरुङले जानकारी दिनुभयो । आँखा परीक्षणसँगै आँखाको स्वास्थ्य सुरक्षाका बारेमा समेत सचेतना फैलाउने काम गरिएको सहकारीका अध्यक्ष शबी शेरचनले जानकारी दिइन् ।
उक्त कार्यक्रममा पूर्व अध्यक्षहरु, सल्लाहकार, क्यान तथा आइसिटीका संस्थाका सदस्यहरु लगायतका ८७ जना व्यक्तित्वहरुको सहभागी थियो । सम्पूर्ण उपस्थित व्यक्तिहरुले स्वास्थ्य लाभ लिनुभएको थियो । उक्त कार्यक्रमा प्रमुख अतिथि, विशेष अतिथी साथमा पूर्व अध्यक्षहरुले कार्यक्रममा सफलताको शुभकामना मन्तव्य राख्नुभएको थियो ।