पाठ्यक्रम परिमार्जन तथा शुल्क निर्धारण कार्यक्रम
मिति २०८० पौष २८ गते शनिवार, क्यान महासंघ कास्की शाखाको आयोजनामा पोखरा, नदिपुर (बाल मन्दिर मा.वि.) स्थित क्यान महासंघ कास्की शाखाका कार्यवाहक अध्यक्ष श्री पुरुषोत्तम कुँबरको अध्यक्षतामा पाठ्यक्रम परिमार्जन तथा शुल्क निर्धारण कार्यक्रम सम्पन भएको थियो । उक्त कार्यक्रममा क्यान महासंघ कास्कीमा आबद्ध शिक्षा प्रदायक संस्थाहरुको बिच निम्नलिखित कोर्ष शुल्क निर्धारण तथा पाठ्यक्रम परिमार्जन (कम्प्युटर प्रोफेशनल बुक २) साथमा ग्राफिक्स डिजाइनिङको नयाँ संस्करणका विषयमा छलफल गरि सहमतिका साथ पारित गरिएको थियो ।
उक्त कार्यक्रममा क्यान महासंघ कास्की शाखाका पूर्व अध्यक्ष श्री युवराज पौडेलले स्वागत मन्तव्य राख्नु भएको थियो भने संयोजन क्यान कास्कीका द्धितिय उपाध्यक्ष श्री सेवक क्षितिजले गर्नुभएको थियो ।