सदस्यहरु बिच फुटसल प्रतियोगिता तथा शुभकामना आदानप्रदान कार्यक्रम २०८१
क्यान महासंघ कास्की शाखा र आईसिटी सहकारी संस्था लिमिटेढको संयुक्त आयोजनामा बिजयादशमी, शभु–दिपावली, नेपाल संवत तथा छठ पर्वको पावन अवसर पारेर सदस्यहरु बिच भाईचारा बढाउने उद्देश्यले क्यान महासंघ कास्की शाखाका अध्यक्ष श्री दुधमान गुरुङ र आईसिटी सहकारी संस्था लि. का अध्यक्ष श्री सवि सेरचनको संयुक्त अध्यक्षता र क्यान महासंघका सदस्य श्री चिन्तामणि बाँस्तोलाको प्रमुख उपस्थितीमा साथै सल्लाहकारहरु, सदस्यहरु सम्पुर्णको बिचमा मैत्रिपुण फुटसल खेलिएको थियो । साथमा उक्त दिन आउँदै गरेको नेपालीहरुका महान् चाडवाड बिजयादशमी, शुभदिपावली, नेपाल सबत्, छठको पावन अवसरमा एक आपसमा शुभकामना आदानप्रदान पनि गरिएको थियो ।
मिति २०८१ असोज १७ गते, फरेस्ट स्पोर्टस एरिना, पोखरा, बुँलौदी स्थित भएको कार्यक्रममा उल्लेख्य रुपमा सदस्यहरुको उपस्थित रहेको थियो । तीन गु्रपमा विभाजित गरि खेलिएको उक्त खेलमा अत्यन्तै सान्दार र उत्साहपूर्व तवरबाट खेलाडिहरुको प्रस्तुती देखिएको थियो । प्रथम हुने ग्रुपले खसी तथा मेडल र द्धितिय हुनेले मेडल पुरस्कारको रुपमा प्राप्त गरेका थिए । उक्त खेलमा प्रथम पुरस्कार प्रायोजक AIR KINGS PLACEMENT Pvt. Ltd. र जर्सी प्रायोजक Sampada Ankit Sport ले गरेको थियो । उक्त कार्यक्रमको संयोजन क्यान कास्कीका कार्यसमिति सदस्य श्री घनश्याम गौतमले गर्नुभएको थियो ।